الخطيب: هناك أخطاء تحكيمية فجة ضد الأهلي ومجاملات لأندية أخرى

0 53

قال محمود الخطيب رئيس النادي الأهلي إن المسابقات تشهد أخطاء تحكيمية فجة ضد الأهلي ومجاملات للأندية أخري وتحدثنا مع مسئولين في اتحاد الكرة ورابطة الأندية وكان ما يصلنا أن الأهلي لديه حق ولكن سيكون هناك تطوير قائلا إن النادي يتبع كل الطرق القانونية لأخذ حقوقه وصوتنا عالي في الحق والنادي عمره ما كان ضعيف ، ولكنه ليس سليط اللسان أو سباب ولا فاحش

 
وأضاف الخطيب في بيان تلفزيوني انه يشعر بحزن جمهور الأهلي وقلقهم علي الفريق .. ولكن احنا بنكون زعلانين اكتر لان احنا اللي هنسأل قدام الجميع قدمنا اللي علينا ولا لأ .. في وقت الفرحة انتم بتكونوا فرحانين بينا جداً وفي  الاخفاق يجب ان نتحمل دا لان دي من مسؤليتنا

 
واستكمل : أنا تحدثت مع اللاعبين وقلت لهم إن من حب الجمهور ليكم ومن دعمهم بيكونوا زعلانين عشان كدة بيلوموا عليكم لانهم شايفينكن أحسن من كدة بكتير ، لكن برضه لازم نقول أن نفس اللاعيبة دي من فترة صغيرة كانت في نهائي أفريقيا وتالت كأس عالم بأداء العالم كله اتكلم عليه، فيه عوامل خارجية تؤدي أنها بتحبط لاعبيتنا ومنها التحكيم من السنة اللي فاتت وألف خط يتحط تحت التحكيم ، خليك عادل و أدي لكل واحد حقه ، هناك أخطاء تحكيمية فجة وكلها ضد الأهلي وهناك مجاملات في اتجاهات أخرى ، النادي الاهلي بيطلب العدل بس “

من حق جمهور الاهلي العظيم علينا اننا نطلع نتكلم ، احنا بنعترف ان في تقصير مننا وكمان نسارع في الاصلاح لان الناس اللي بتشتغل بجد ممكن تغلط لكن العيب اننا نستمر ومنشوفش الغلط وان شاء الله احنا عارفين ازاي نعالج الغلط ، بنتمنى انكم تدعمونا

 
وواصل: “تولينا المسؤولية وكنا نحضر لاستعادة بطولة أفريقيا بعد غياب 7 سنوات

آخر 6 سنوات الأهلي وصل إلى 5 نهائيات وهو أمر لم يحدث في أوروبا”

Leave A Reply

Your email address will not be published.

Close